காதல் யாருக்கும் எப்போது வேண்டுமானாலும் வரலாம். சினிமா நட்சத்திரங்களுக்கும் அப்படித்தான். படத்தில் நடிக்கும்போது அல்லது இணைந்து பணியாற்றும்போது காதல் முற்றி கடைத்தெருவுக்கு வந்து பின்னர் கல்யாணத்தில் முடிந்திருக்கிறது. சில காதல் பிய்த்துக்கொண்டு ஓட்டமெடுத்தும் இருக்கிறது. நடிகை லிசி, இயக்குனர் பிரியதர்ஷன் மகள் கல்யாணி. இவர் 2 வருடத்துக்கு முன்புதான் நடிக்க வந்தார்.
‘ஹலோ’ தெலுங்கு படத்தில் அறிமுகமானவர் அடுத்தடுத்து படங்களில் நடித்து வருகிறார். தமிழில், சிவகார்த்திகேயன் ஜோடியாக ஹீரோ படத்தில் நடிக்கிறார். கல்யாணியும், நடிகர் மோகன்லால் மகன் பிரணவும் சிறுவயது முதலே பழகி வருகின்றனர். சிறுவயது நட்பு வாலிப வயசானதும் காதலாக மாறியிருக்கிறது. பிரணவும் தற்போது படங்களில் நடித்து வருகிறார்.
கல்யாணி தந்தையும் இயக்குனருமான பிரியதர்ஷன், நடிகர் மோகன்லால் டிகிரி தோஸ்த்துக்கள். பிரியதர்ஷன் இயக்கத்தில் பல்வேறு படங்களில் மோகன்லால் நடித்திருக்கிறார். இரண்டு குடும்பத்தினரும் அவ்வளவு நெருக்கும். கல்யாணி, பிரணவ் காதலுக்கு இந்த நட்பும் ஒரு காரணம் என்று கூறப்படுகிறது.
பிரணவ்வை காதலிக்கிறீர்களா? என்று கல்யாணியிடம் கேட்டால் அதற்கு நேரடியாக பதில் சொல்லாமல் மறைமுக பதில் அளிக்கிறார். அவர் கூறும்போது, ’நான் ஒருவரை காதலிக்கிறேன். எதிர்காலத்தில் அவரை மணப்பேன். எங்கள் குடும்பத்தினருக்கு நான் யாரை காதலிக்கிறேன் என்று தெரியும். எங்களுக்குள் எந்த பிரச்னையும் இல்லை. அவரது பெயரையும் மற்ற விவரங்களையும் இப்போதைக்கு சொல்ல மாட்டேன்’ என்றபடி எஸ்ஸானார் கல்யாணி.
