ஜனநாயக பின்னடைவுகள் நாடுகள் பட்டியலில் இந்தியா

ஜனநாயகக் குறியீட்டின் உலகளாவிய தரவரிசையில் ஜனநாயக பின்னடைவுகள் நாடுகள் பட்டியலில் இந்தியா இடம்பெற்று உள்ளது.

ஜனநாயகக் குறியீட்டின் உலகளாவிய தரவரிசையில் இந்தியா 10 இடங்களைக் குறைந்து 51 வது இடத்திற்கு பின்தங்கி உள்ளது. நாட்டில் மக்களின் உரிமைகள் பறிப்பது என்பது ஜனநாயக பின்னடைவுக்கு முதன்மைக் காரணம் என்று ஆய்வில் தெரிவிக்கப்பட்டு உள்ளது.

இது தேர்தல் செயல்முறை மற்றும் பன்மைத்துவம், அரசாங்கத்தின் செயல்பாடு, அரசியல் பங்கேற்பு, அரசியல் கலாச்சாரம் மற்றும் மக்கள் உரிமைகள் ஆகியவற்றை அடிப்படையாகக் கொண்டது ஆகும் .

இதில் இந்தியாவின் மதிப்பெண் 2018 இல் 7.23 லிருந்து 2019 இல் 6.90 ஆகக் குறைந்து உள்ளது. “ஜனநாயக பின்னடைவுகள்” நாடுகளில் ஆசியா மற்றும் ஆஸ்திரேலியா பிராந்தியத்தில், திமோர்-லெஸ்டே, மலேசியா மற்றும் தைவான் போன்ற நாடுகளை விட இந்தியா குறைந்து ஜனநாயக பின்னடைவுகள் நாடுகள் பட்டியலில் எட்டாவது இடத்தில் உள்ளது.

நார்வே 9.87 மதிப்பெண்களுடன் முதலிடத்திலும், வட கொரியா உலக தரவரிசையில் 1.08 மதிப்பெண்களுடன் கடைசி இடத்திலும் உள்ளது. சீனாவின் மதிப்பெண் 2.26 ஆக குறைந்து இப்போது அது 153 வது இடத்தில் உள்ளது.

தாய்லாந்தில் மிகப்பெரிய மாற்றம் ஏற்பட்டது, அதன் மதிப்பெண் 2018 உடன் ஒப்பிடும்போது 1.69 புள்ளிகள் அதிகரித்து 6.32 ஆக உயர்ந்தது, இதன் விளைவாக 38 இடங்கள் உயர்ந்தன, அதே நேரத்தில் சிங்கப்பூரில் ஒரு “போலி செய்தி” சட்டத்தை அறிமுகப்படுத்தியது சிவில் உரிமைகளுக்கான மதிப்பெண் சரிவதற்கு வழிவகுத்தது.

உலகின் மிகப்பெரிய ஜனநாயக நாடான இந்தியா ஜனநாயக பின்னடைவு நாடுகள் பட்டியலில் உள்ளது. ஜம்மு-காஷ்மீரில் ஏற்பட்ட மாற்றங்கள் மற்றும் அசாமில் தேசிய குடிமக்கள் பதிவேட்டை (என்.ஆர்.சி) சர்ச்சைக்குரிய முறையில் செயல்படுத்துவது குறித்து ஜனநாயகக் குறியீடு குறிப்பிட்டுள்ளது.

அசாமில் “குடிமக்களின் தேசிய பதிவேட்டின் (என்ஆர்சி) இறுதி பட்டியலில் இருந்து 19 லட்சம் மக்கள் விலக்கப்பட்டுள்ளனர் என்று ஜனநாயக அட்டவணை குறிப்பிட்டு உள்ளது.

“என்.ஆர்.சி-யிலிருந்து விலக்கப்பட்ட பெரும்பான்மையான மக்கள் முஸ்லிம்கள்,” என்று ஆளும் பாஜக மேலும் கூறுகிறது. “பட்டியலில் இருந்து விலக்கப்பட்டவர்களில் பெரும்பாலோர் வங்காள தேசத்தில் இருந்து குடியேறியவர்கள் என்பதை அதன் அரசாங்கம் இதை மறுக்கிறது”.

என்.ஆர்.சி. முஸ்லிம் மக்களை குறிவைத்து மத அடிப்படையில் மக்கள் தொகை மாற்றங்களுக்கு வழிவகுக்கும் என்று விமர்சகர்கள் கூறுகின்றனர். இந்தியாவில் கிட்டத்தட்ட 20 கோடி முஸ்லிம்கள் உள்ளனர்.

இந்த எண்ணிக்கை 2015 ஆம் ஆண்டில் 195,810,000 ஆக இருந்தது, இது இந்தியாவின் மொத்த மக்கள் தொகையில் 14.9 சதவீதம் மற்றும் உலகின் மொத்த முஸ்லிம் மக்கள் தொகையில் 10.5 சதவீதம் ஆகும் .

தற்போதைய வளர்ச்சி விகிதத்தில் 2060 ஆம் ஆண்டில் இந்தியா உலகின் மிகப்பெரிய முஸ்லிம் மக்கள்தொகை கொண்ட நாடாக இருக்கும், முஸ்லீம்கள் மொத்த மக்கள் தொகையில் 33.3 கோடி அல்லது 19.4 சதவீதத்திற்கும் அதிகமாக இருப்பர்.

புதிய குடியுரிமைச் சட்டம் பெரிய முஸ்லிம் மக்களை கோபப்படுத்தியுள்ளது, வகுப்புவாத பதட்டங்களைத் தூண்டியது மற்றும் முக்கிய நகரங்களில் பெரும் போராட்டங்களை உருவாக்கியுள்ளது என அதில் கூறப்பட்டு உள்ளது.

சிலி, பிரான்ஸ் மற்றும் போர்ச்சுகல் ஆகிய மூன்று நாடுகள் ஜனநாயக பின்னடைவு நாடுகள் வகையிலிருந்து “முழு ஜனநாயகம்” கொண்ட வகைக்கு நகர்ந்து உள்ளன, அதே நேரத்தில் மால்டா நாடு “முழு ஜனநாயகம் கொண்ட நாடுகள் பட்டியலில் இருந்து வெளியேறி ஜனநாயக பின்னடைவு நாடுகள் பட்டியலில் இடம் பிடித்து உள்ளது.