ஆஸ்கார் விருது பெற்ற பிரபல ஹாலிவுட் தயாரிப்பாளர் ஹார்வி வெயின்ஸ்டீன் நடிகைகளை படுக்கைக்கு அழைத்து பாலியல் வன்கொடுமை செய்ததாக மீ டூவில் புகார் கூறப்பட்டது.
ஹாலிவுட் நடிகைகள் ஏஞ்சலினா ஜோலி, ராஸ் மெக்கோவன், அன்னபெல்லா, ஜேன் டோ உள்ளிட்ட 70-க்கும் மேற்பட்ட பெண்கள் பாலியல் புகார் கூறினார்கள்.
2006-ல் தன்னை பாலியல் வன்கொடுமை செய்ததாக திரைப்பட தயாரிப்பு பெண் நிர்வாகி மிமி ஹலேயியும், 2013-ல் பாலியல் வன்கொடுமைக்கு உள்ளாக்கியதாக நடிகை ஒருவரும் ஹார்வி வெயின்ஸ்டீன் மீது வழக்கு தொடர்ந்தனர்.
இந்த வழக்கு விசாரணை அமெரிக்காவில் உள்ள நியூயார்க் மான்ஹாட்டன் நீதிமன்றத்தில் நடந்து வந்தது. இந்த வழக்கை விசாரித்த நீதிமன்றம் ஹார்வி குற்றவாளி என்று தீர்ப்பளித்தது
தற்போது ஹார்வி வெயின்ஸ்டீனுக்கு 23 வருடம் சிறை தண்டனை விதித்து கோர்ட்டு தீர்ப்பு வழங்கி உள்ளது.
கடந்த 2 வாரமாக நியூயார்க் சிறையில் இருக்கும் ஹார்வி வெயின்ஸ்டீன் கொரோனா தொற்றால் பாதிக்கப்பட்டு உள்ளதாக தகவல் வெளியாகி உள்ளது.
.ஹார்வி வெய்ன்ஸ்டீன் புதன்கிழமை நியூயார்க் நகரத்திற்கு வடமேற்கே 350 மைல் (560 கிலோமீட்டர்) தொலைவில் உள்ள பப்பலோ அருகே உள்ள சிறைக்கு மாற்றப்பட்டார். அதற்கு முன்பு, அவர் ரைக்கர்ஸ் தீவு சிறை மற்றும் ஒரு மன்ஹாட்டன் மருத்துவமனையில் தங்கியிருந்தார், அங்கு அவருக்கு நெஞ்சு வலிக்கு சிகிச்சை அளிக்கப்பட்டது.
அமெரிக்காவில் கொரோனா வைரஸ் காரணமாக 400 பேர் இறந்துள்ளனர், 32 ஆயிரம் பேர் பாதிக்கப்பட்டு உள்ளனர். இதில் பாதிக்கும் மேற்பட்டவை நியூயார்க் மாநிலத்தில் இருப்பதாக தகவல்கள் தெரிவிக்கின்றன.
