கும்கி படத்தில் கதாநாயகனாக அறிமுகமாகி அதிக படங்களில் நடித்துள்ள விக்ரம் பிரபு தனி ரசிகர் கூட்டத்தை சேர்த்து வளர்ந்து வருகிறார்.
கும்கி படத்தில் கதாநாயகனாக அறிமுகமாகி அதிக படங்களில் நடித்துள்ள விக்ரம் பிரபு தனி ரசிகர் கூட்டத்தை சேர்த்து வளர்ந்து வருகிறார். இவரது நடிப்பில் கடந்த வருடம் வானம் கொட்டட்டும், அசுர குரு ஆகிய படங்கள் வந்தன. முத்தையா இயக்கத்தில் நடித்த புலிக்குத்தி பாண்டி படம் கடந்த ஜனவரியில் நேரடியாக தொலைக்காட்சியில் வெளியானது. மணிரத்னத்தின் பொன்னியின் செல்வன் படத்தில் முக்கிய கதாபாத்திரத்தில் நடிக்கிறார். இந்த நிலையில் வெற்றிமாறனிடம் உதவி இயக்குனராக பணியாற்றிய தமிழரசன் இயக்கத்தில் டாணாக்காரன் என்ற படத்தில் விக்ரம் பிரபு நடித்துள்ளார். தமிழகத்தில் நடந்த ஒரு உண்மை சம்பவத்தை மையமாக வைத்து இந்த படத்தை எடுத்துள்ளனர். இதில் விக்ரம் பிரபு வித்தியாசமான போலீஸ் கதாபாத்திரத்தில் நடிக்கிறார். கையில் துப்பாக்கியுடன் நிற்கும் அவரது முதல் தோற்ற புகைப்படம் சமூக வலைத்தளத்தில் வெளியாகி ரசிகர்கள் மத்தியில் வரவேற்பை பெற்றுள்ளது.
புதிய தோற்றத்தில் விக்ரம் பிரபு
