தமிழ், தெலுங்கில் அதிக படங்களில் நடித்துள்ள அனுஷ்கா இஞ்சி இடுப்பழகி படத்தில் கதாபாத்திரத்துக்காக எடை கூடி தோற்றத்தையே மாற்றினார். அந்த படத்துக்கு பிறகு அவரால் எடையை குறைக்க முடியவில்லை.
தமிழ், தெலுங்கில் அதிக படங்களில் நடித்துள்ள அனுஷ்கா இஞ்சி இடுப்பழகி படத்தில் கதாபாத்திரத்துக்காக எடை கூடி தோற்றத்தையே மாற்றினார். அந்த படத்துக்கு பிறகு அவரால் எடையை குறைக்க முடியவில்லை.
உடற்பயிற்சிகள், யோகா, உணவு கட்டுபாடுகள் என்று பல முயற்சிகள் செய்தும் எடை குறையவில்லை. இதனால் பாகுபலி 2-ம் பாகம் படத்தில் கிராபிக்ஸ் மூலம் அனுஷ்கா உடம்பை ஒல்லியாக காட்டினார்கள். எடை கூடியதால் பட வாய்ப்புகள் குறைந்தன. பின்னர் வெளிநாட்டுக்கு சென்று சிகிச்சை பெற்று எடையை குறைத்தார்.
அதன்பிறகு தமிழ், தெலுங்கில் வெளியான நிசப்தம் படத்தில் மாதவனுடன் நடித்து இருந்தார். இந்த நிலையில் அனுஷ்காவுக்கு மீண்டும் எடைகூடி உள்ளது. குண்டான தோற்றத்தில் இருக்கும் அவரது புதிய புகைப்படம் வலைத்தளத்தில் வைரலாகி ரசிகர்களை ஆச்சரியப்பட வைத்துள்ளது.
கொரோனா ஊரடங்கில் வீட்டிலேயே இருந்ததால் எடை போட்டு இருப்பதாக கூறப்படுகிறது. அனுஷ்காவுக்கு தற்போது 39 வயது ஆகிறது. துபாய் தொழில் அதிபருடன் அவருக்கு திருமணம் முடிவாகி உள்ளதாகவும் அந்த தொழில் அதிபர் அனுஷ்காவை விட வயதில் குறைந்தவர் என்றும் தகவல் பரவி வருகிறது.
