அமெரிக்க ஜனாதிபதி ஜோ பைடனின் அதிகாரங்கள் தற்காலிகமாக துணை ஜனாதிபதி கமலா ஹாரிஸிற்கு ஒப்படைக்கப்பட்டுள்ளதாக தெரிவிக்கப்படுகின்றது.
அமெரிக்காவின் 46வது ஜனாதிபதியாக, ஜனநாயகக் கட்சியின் ஜோ பைடன் பதவி வகிக்கிறார். துணை ஜனாதிபதியாக இந்திய வம்சாவளியைச் சேர்ந்த கமலா ஹாரிஸ் பதவி வகிக்கிறார்.
இன்று, தலைநகர் வாஷிங்டனில் உள்ள வால்டர் ரீடு மருத்துவ மையத்தில், மருத்துவப் பரிசோதனைக்காக, ஜனாதிபதி ஜோ பைடன் அனுமதிக்கப்பட்டார். அங்கு அவருக்கு பெருங்குடல் தொடர்பான கொலோனோஸ்கோபி சிகிச்சை அளிக்கப்பட்டு வருகிறது.
இது தொடர்பாக வெள்ளை மாளிகை தரப்பில் வெளியிடப்பட்டுள்ள அறிக்கையில் தெரிவிக்கப்பட்டு உள்ளதாவது: அமெரிக்க ஜனாதிபதி ஜோ பைடனுக்கு வைத்தியசாலையில் வழக்கமான சிகிச்சை அளிக்கப்பட்டு வருகிறது. கொலோனோஸ்கோபி சிகிச்சையின் போது ஜனாதிபதி ஜோ பைடனுக்கு மயக்க மருந்து செலுத்தப்படும். இதன் காரணாக, அமெரிக்க ஜனாதிபதியின் அதிகாரப் பொறுப்பு, துணை ஜனாதிபதி கமலா ஹாரிசுக்கு வழங்கப்படுகிறது.
