சீனாவுடனான உறவு கடினமாக உள்ளது என்று வெளியுறவுத்துறை அமைச்சர் ஜெய்சங்கர் கூறியுள்ளார்.
அரசுமுறை பயணமாக வெளியுறவுத்துறை மந்திரி ஜெய்சங்கர் ஜெர்மனிக்கு சென்றார். அங்கு நடைபெற்ற முனிச் பாதுகாப்பு மாநாடு குழு விவாதத்தில் இந்தியா சார்பில் பங்கேற்ற வெளியுறவுத்துறை மந்திரி ஜெய்சங்கர் கலந்து கொண்டார்.
அப்போது அவர் பேசியதாவது:-
“சீனாவுடன் இந்தியாவுக்கு பிரச்னை உள்ளது. 45 ஆண்டுகளாக அமைதி நிலவியது, நிலையான எல்லை நிர்வாகம் இருந்தது. 1975 முதல் எல்லையில் ராணுவ உயிரிழப்புகள் இல்லை.
இராணுவப் படைகளை கொண்டு வரக்கூடாது என்று நாங்கள் சீனாவுடன் ஒப்பந்தம் செய்ததால் அது மாறியது. நாங்கள் அதை எல்லை என்று அழைக்கிறோம். ஆனால் அது உண்மையான கட்டுப்பாட்டுக் கோடு (சீனாவுடனான எல்லை பகுதி). மேலும் சீனர்கள் அந்த ஒப்பந்தங்களை மீறினர்.
எல்லையில் நிலைமையை பொறுத்தே எப்படியான உறவு இருக்கும் என்பது தீர்மானிக்கப்படும். இது இயற்கையான நியதி. எனவே தற்போது சீனாவுடனான உறவுகள் மிகவும் கடினமான கட்டத்தில் உள்ளன. இந்தியாவுடனான எழுத்துப்பூர்வ ஒப்பந்தங்களை 2020 இல் சீனா புறக்கணித்தது. மேற்கத்திய நாடுகளுடனான இந்தியாவின் உறவுகள் ஜூன் 2020 க்கு முன்பே மிகவும் கண்ணியமானதாக இருந்தது.
ஒரு பெரிய நாடு எழுதப்பட்ட உறுதிமொழிகளை புறக்கணிக்கும் போது, அது முழு சர்வதேச சமூகத்திற்கும் பிரச்சினை என்று நான் நினைக்கிறேன்.
