உலகம் முழுவதும் தமிழ், தெலுங்கு, இந்தி, கன்னடம், மலையாளம் ஆகிய இந்திய மொழிகள் உள்பட 160 மொழிகளில், அவதார்-2 ரிலீஸ் செய்யப்பட உள்ளதாக அறிவிக்கப்பட்டு உள்ளது.
ஜேம்ஸ் கேமரூன் இயக்கத்தில் 2009-ல் திரைக்கு வந்து உலகையே திரும்பி பார்க்க வைத்த படம் அவதார். இந்த படம் 14 ஆயிரத்துக்கும் அதிகமான தியேட்டர்களில் திரையிடப்பட்டு, இந்திய மதிப்பில் சுமார் ரூ.25 ஆயிரம் கோடி வசூலித்து சாதனை நிகழ்த்தியது. படத்தில் இடம்பெற்ற கற்பனை உலகமும், கிராபிக்ஸ் தொழில் நுட்பங்களும் ரசிகர்களை வியக்க வைத்தன. 3 ஆஸ்கார் விருதுகளையும் வென்றது.
அடுத்து இந்த படத்தின் 4 பாகங்கள் ரூ.7 ஆயிரத்து 500 கோடி செலவில் தயாராகும் என்று அறிவிக்கப்பட்டது. 2 மற்றும் 3-ம் பாகங்களுக்கான படப்பிடிப்புகள் நடந்து வந்தன. அவதார் 2-ம் பாகம் முழு படப்பிடிப்பும் முடிந்துள்ளது.
இந்நிலையில், அவதார் 2-ம் பாகம் படம் டிசம்பர் 16-ந் தேதி வெளியாக இருப்பதாக அறிவிக்கப்பட்டு உள்ளது. 12 ஆண்டுகளுக்கு பிறகு 2-ம் பாகம் வெளியாவது குறிப்பிடத்தக்கது.
உலகம் முழுவதும் தமிழ், தெலுங்கு, இந்தி, கன்னடம், மலையாளம் ஆகிய இந்திய மொழிகள் உள்பட 160 மொழிகளில், அவதார்-2 ரிலீஸ் செய்யப்பட உள்ளதாக அறிவிக்கப்பட்டு உள்ளது. இந்த படத்தின் டிரெய்லரும் விரைவில் வெளியாக இருக்கிறது. முதல் பாகத்தைப்போல் அவதார் 2-ம் பாகமும் சாதனை படைக்கும் என்று எதிர்பார்க்கப்படுகிறது.
அவதார்: தி வே ஆஃப் வாட்டர் படத்தைல் 20வது செஞ்சுரி ஸ்டுடியோஸ் டிசம்பர் 16 முதல் வெளியிட திட்டமிடப்பட்டுள்ளது. உலகம் முழுவதும் சூப்பர்ஹிட்டான ‘அவதார்’ திரைப்படத்தின் இரண்டாம் பாகம் 160 மொழிகளில் வெளியிட திட்டமிடப்பட்டுள்ளது.
இதுகுறித்து ஜேம்ஸ் கேமரூன் நியூசிலாந்தில் இருந்து வீடியோ மூலம் உரையாற்றினார்,
சினிமா என்னவெல்லாம் செய்ய முடியும் என்பதற்கான வரம்புகளைத் தாண்டும். படத்தின் இறுதிக்கட்ட பணிகள் நடைபெற்று வருகின்றன.
முதல் படத்தைவிட இதில் மாபெரும் தொழில்நுட்ப முன்னேற்றங்களைகாணலாம். அதன் முக்கிய கதாபாத்திரங்களான ஜேக் சுல்லி (சாம் வொர்திங்டன்) மற்றும் நெய்திரி (ஸோ சல்டானா) ஆகியோர் இப்போது ஒரே குடும்பமாக உள்ளனர்.
அவதார் எல்லா காலத்திலும் அதிக வருவாய் ஈட்டிய படம் ஆகும் .
சினிமாகான் திரையரங்கு தொழில்துறை உச்சிமாநாட்டில் கலந்துகொண்டவர்கள் 3D கண்ணாடிகளை அணிந்து கொண்டு அவதார்: தி வே ஆஃப் வாட்டர் டிரைலரை பார்த்தனர். அதில் கதாபாத்திரங்கள் கிரகத்தின் கடல்களுக்கு அடியில் நீந்துவதையும் வானத்தில் பறக்கும் காகாட்சிகளும் இடம்பெற்று இருந்தன.
சினிமாகானில் படத்தைப் பற்றி பேசிய தயாரிப்பாளர் ஜான் லாண்டவ் கூறும் போது
கேமரூனின் ஸ்கிரிப்ட்களின் பலம் என்னவென்றால், அவை எப்போதும் உலகளாவில் தொடர்புபடுத்தக்கூடிய கருப்பொருள்கள் இருக்கும் என்று கூறினார்.
ஹாலிவுட்டில் 3டி அலையை ஏற்படுத்தப்போகும் முதல் அவதார் செப்டம்பர் மாதம் திரையரங்குகளில் மீண்டும் வெளியிடப்படுகிறது.
கடந்த 2009 ஆம் ஆண்டு ஜேம்ஸ் கேமரூன் இயக்கத்தில் 1500 கோடி ரூபாய் பட்ஜெட்டில் வெளியாகி மாபெரும் வெற்றி பெற்றப் படம் அவதார். இப்படத்திற்கு 3 ஆஸ்கார் விருதுகள் கிடைத்தன.
அவதார் 2 வரும் 2021 ஆம் ஆண்டு வெளியாகயிருந்த சூழலில் கொரோனாவால் இப்படம் 2022 ஆம் ஆண்டு வெளியாகும் என்று ஒத்திவைக்கப்பட்டது.
