பயங்கரவாத தடைச்சட்டத்தைப் பயன்படுத்துவதைத் தவிர்க்குமாறும், தடுப்புக் கட்டளைகளை உடனடியாக இரத்துச் செய்யுமாறும் ஜனாதிபதி மற்றும் சட்ட அமுலாக்க அதிகாரிகளுக்கு இலங்கை சட்டத்தரணிகள் சங்கம் (BASL) தெரிவித்துள்ளது.
இலங்கை சட்டத்தரணிகள் சங்கம் ஒரு அறிக்கையில், அரசாங்கத்திற்கு எதிரான போராட்டங்களில் ஈடுபட்டுள்ள நபர்களை கைது செய்வதற்கும் தடுத்து வைப்பதற்கும் பயங்கரவாதத் தடைச் சட்டத்தின் (PTA) விதிகளைப் பயன்படுத்துவதில் ஆழ்ந்த அக்கறை கொண்டுள்ளதாகத் தெரிவித்துள்ளது.
ஐரோப்பிய ஒன்றியத்தால் இலங்கைக்கு ஜிஎஸ்பி பிளஸ் நீடிப்பு வழங்குவதில் பயங்கரவாத தடைச்சட்டத்தைப் பயன்படுத்துவது கவலைக்குரிய விடயமாக பார்க்கப்படுவதாகவும் சங்கம் குறிப்பிட்டுள்ளது.
பயங்கரவாத தடை சட்டத்தின் முறைகேடு ஜெனிவாவில் உள்ள ஐக்கிய நாடுகள் மனித உரிமைகள் பேரவையிலும் மீண்டும் மீண்டும் எழுப்பப்பட்டது.
இந்தச் சூழ்நிலையிலும், பயங்கரவாதத் தடைச் சட்டத்தில் பயங்கரவாதம் பற்றிய தெளிவான வரையறை இல்லாத நிலையிலும், அது முறைகேடு செய்யப்பட்டு, கருத்து வேறுபாடுகளின் நியாயமான வெளிப்பாடுகளை நசுக்குவதற்கும், அமைதியான பேச்சு, கருத்துச் சுதந்திரம் உள்ளிட்ட ஜனநாயக உரிமைகளைப் பயன்படுத்துபவர்களைக் குறிவைப்பதற்கும் அது முறைகேடு செய்யப்படும் அபாயம் உள்ளது என இலங்கை சட்டத்தரணிகள் சங்கம் தெரிவித்துள்ளது.
