ஜெனிவாவில் உள்ள ஐக்கிய நாடுகள் மனித உரிமைகள் பேரவையில் முன்வைக்கப்பட்ட புதிய தீர்மானத்தில் இலங்கைக்கு மீண்டும் அவகாசம் வழங்கப்பட்டுள்ளது.
மனித உரிமைகள் பேரவை செயலகத்தில் புதன்கிழமை முறைப்படி கையளிக்கப்பட்ட இந்த வரைவு தீர்மானத்திற்கு இங்கிலாந்து, அமெரிக்கா, ஜேர்மனி, கனடா, மலாவி, மொண்டினீக்ரோ மற்றும் வடக்கு மெசிடோனியா ஆகிய நாடுகள் அனுசரணை வழங்கியுள்ளன.
‘இலங்கையில் நல்லிணக்கம், பொறுப்புக்கூறல் மற்றும் மனித உரிமைகளை ஊக்குவித்தல்’ என்ற புதிய வரைவுத் தலைப்பு, மனித உரிமைகள் தொடர்பான பிரச்சினைகளைத் தீர்ப்பதற்கு அரசாங்கத்திற்கு அதிக கால அவகாசத்தை வழங்குகிறது.
நல்லிணக்கம் மற்றும் பொறுப்புக்கூறலில் முன்னேற்றம் மற்றும் பொருளாதார நெருக்கடி மற்றும் ஊழலின் மனித உரிமைகள் தாக்கம் உட்பட இலங்கையின் மனித உரிமைகளின் நிலைமையை கண்காணித்து அறிக்கையிடுவதை மேம்படுத்துமாறு மனித உரிமைகளுக்கான உயர்ஸ்தானிகர் அலுவலகத்தை இந்த வரைவு உரை கோரியுள்ளது.
வரைவின்படி, மனித உரிமைகள் பேரவையின் 53வது அமர்வு மற்றும் 55ஆவது அமர்வுகளில் வாய்வழி புதுப்பிப்புகளையும், அதன் 54வது அமர்வில் எழுத்துப்பூர்வ புதுப்பிப்பு மற்றும் அதன் பொறுப்புக்கூறலை முன்னெடுப்பதற்கான மேலதிக தெரிவுகளை உள்ளடக்கிய விரிவான அறிக்கையையும் சமர்ப்பிக்குமாறு அலுவலகம் கோரப்பட்டுள்ளது.
024 இல் 57ஆவது அமர்வின்போது முழுமையான விவாதிப்பு இடம்பெறும். 2021 இன் பிற்பகுதியில் இருந்து இலங்கையில் மோசமடைந்துள்ள கடுமையான பொருளாதார நெருக்கடி, கொரோனா தொற்றுநோயால் தீவிரமடைந்துள்ளது மற்றும் பெண்கள் தலைமையிலான குடும்பங்கள் உட்பட இலங்கை மக்கள் மீது இது ஏற்படுத்திய ஆழமான தாக்கத்தை இந்தத் தீர்மானம் அங்கீகரிக்கிறது.
தற்போது நிலவும் பொருளாதார நெருக்கடிக்கு தீர்வு காண இலங்கை அரசாங்கத்தின் அண்மைக்கால முயற்சிகளை அங்கீகரிக்கிறது மற்றும் இலங்கை அரசாங்கத்திற்கும் சர்வதேச நாணய நிதியத்திற்கும் இடையில் எட்டப்பட்ட பணியாளர் மட்ட உடன்படிக்கையை வரவேற்கிறது.
இலங்கை மனித உரிமைகள் ஆணைக்குழு, தேர்தல்கள் ஆணைக்குழு, தேசிய காவல்துறை ஆணைக்குழு, நீதிச் சேவை ஆணைக்குழு, குற்றச்சாட்டுகளை விசாரிக்கும் ஆணைக்குழு உள்ளிட்ட முக்கிய ஆணைக்குழுக்கள் மற்றும் லஞ்சம் அல்லது ஊழல் மற்றும் நீதித்துறை நிறுவனங்களின் சுதந்திரத்தின் முக்கியத்துவத்தை வலியுறுத்தும் அதேவேளையில் அரசியலமைப்பு சீர்திருத்தங்களுக்கான அரசாங்கத்தின் உறுதிப்பாட்டை தீர்மானம் அங்கீகரிக்கிறது.
நல்லிணக்கம் மற்றும் அதன் மக்கள் தொகையில் உள்ள அனைத்து உறுப்பினர்களும் மனித உரிமைகளை முழுமையாக அனுபவிப்பதில் ஒருங்கிணைந்த அரசியல் அதிகாரப் பகிர்வு தொடர்பான தனது உறுதிமொழிகளை நிறைவேற்றுமாறு இலங்கை அரசாங்கத்தை அது கேட்டுக்கொள்கிறது.
புதிய தீர்மானம் ஏப்ரல் 2022 முதல் அமைதியான போராட்டக்காரர்களுக்கு எதிரான வன்முறை மற்றும் கைதுகள், அத்துடன் அரசாங்க ஆதரவாளர்களுக்கு எதிரான வன்முறை, இறப்பு, காயங்கள், அழிவு மற்றும் நாடாளுமன்ற உறுப்பினர்களின் வீடுகளுக்கு சேதம் விளைவித்தல் உள்ளிட்ட மனித உரிமைகள் முன்னேற்றங்கள் குறித்து கவலை தெரிவிக்கிறது.
அத்துடன் அனைத்து தாக்குதல்கள் மற்றும் பொறுப்புக் கூறப்பட்டவர்கள் மீதும் சுயாதீன விசாரணைகள் நடத்தப்பட வேண்டும் என்று அறிக்கை வலியுறுத்தியுள்ளது.
