இந்தியத் துணைத் தூதரகத்தின் ஏற்பாட்டில் யாழ்ப்பாணம் பண்பாட்டு மையத்தில் காலை 7:30 முதல் 8:30 மணி வரை யோகா நிகழ்ச்சி நடைபெற்றது.
இந்நிகழ்வில் இந்தியத் துணைத் தூதர் சாய் முரளி, வடமாகாண சபை அவைத் தலைவர் சி.வி.கே.சிவஞானம், வடக்கு மாகாண கல்வி அமைச்சின் செயலாளர் பற்றிக் டிரஞ்சன், வடக்கு மாகாண விவசாயம் மற்றும் கமநல சேவைகள் மற்றும் சுகாதார அமைச்சின் செயலாளர் எம்.ஜெகு,யாழ்ப்பாணம் போதனா வைத்தியசாலையின் பணிப்பாளர் த.சத்தியமூர்த்தி, யாழ் மாநகர சபை ஆணையாளர் எஸ்.கிருஷ்ணேந்திரன், இந்தியத் தூதரக உயர் அதிகாரிகள் உட்படப் பலரும் கலந்துகொண்டனர்.
நிகழ்ச்சியை ஆரம்பித்து வைத்து உரையாற்றிய துணைத் தூதுவர் சாய் முரளி, இந்தியாவில் யோகாவின் பண்டைய தோற்றத்தை வலியுறுத்தினார், இதயம், உடல் மற்றும் ஆன்மாவை இணைக்கும் ஒரு முழுமையான பயிற்சியாக அதன் முக்கியத்துவத்தை வலியுறுத்தினார்.
யோகாவின் உலகளாவிய தன்மையை அவர் குறிப்பிட்டார், இது எல்லைகளைத் தாண்டியது மற்றும் மன அழுத்தம் அதிகமாக இருக்கும் நவீன வாழ்க்கையில் முக்கியமானது. மேலும், இந்த ஆண்டுக்கான “யோகா சுயத்திற்கும் சமூகத்திற்கும்” என்ற கருப்பொருளை அறிமுகப்படுத்திய அவர், யோகா மூலம் ஆரோக்கியமான மற்றும் வளமான சமுதாயத்தைக் கட்டியெழுப்புவதன் முக்கியத்துவத்தை வலியுறுத்தினார்.
இந்நிகழ்ச்சியில் யோகா ஆர்வலர்கள், மாணவர்கள், யோகா பயிற்சியாளர்கள், பொதுமக்கள் என 1200க்கும் மேற்பட்டோர் கலந்து கொண்டனர்.
பங்கேற்பாளர்களுக்குத் தூதரகத்தினால் டி-சேர்ட்கள், தொப்பிகள் மற்றும் பாராட்டுச் சான்றிதழ்கள் வழங்கப்பட்டது.
இந்திய அரசின் முன்மொழிவின்படி ஜூன் 21 ஆம் திகதி சர்வதேச யோகா தினம் உலகளாவிய ரீதியில் கொண்டாடப்பட்டு வருகிறது.
