நடிகர் ஷாருக்கான், தான் ஒரு நேரம் மட்டுமே உணவு உண்பதாகத் தெரிவித்திருப்பது, அவரது ரசிகர்களை வியப்பில் ஆழ்த்தியுள்ளது. இதுபற்றி அவர் அளித்துள்ள பேட்டியில் கூறியிருப்பதாவது: காலை 5 மணிக்குத்தான் தூங்கச் செல்வேன். படப்பிடிப்பு இருந்தால் காலை 9 அல்லது 10 மணிக்கு எழுந்து விடுவேன். முன்னதாக வேலை முடிந்து அதிகாலை 2 மணிக்கு வீட்டுக்கு வந்து குளித்துவிட்டுத் தூங்கும் முன் உடற்பயிற்சி செய்வேன். தினமும் ஒரு வேளை மட்டும்தான் சாப்பாடு.
சமீபத்தில், சுவிட்சர்லாந்தில் உள்ள லோகார்னோவில் நடைபெற்ற 77-வது பட விழாவில் வாழ்நாள் சாதனையாளர் விருது பெற்றேன்.
விருதுகள் விஷயத்தில் வெட்கப்படுவதில்லை. அதை வாங்குவது எனக்குப் பிடிக்கும். விழாக்களை விரும்புகிறேன். பேச வேண்டும் என்றால்தான் பதற்றமடைவேன். எனக்கு 9 மாடி அலுவலகம் உள்ளது. ஒவ்வொரு தளத்திலும் விருதுகள் உள்ளன. 300 விருதுகளைக் கொண்ட லைப்ரரியும் இருக்கிறது. அது கோப்பைகளுக்கான அறையல்ல. ஆங்கில நூலகம் போன்றதுதான். அடுத்து சுஜாய் கோஷ் இயக்கும் ‘கிங்’ என்ற படத்தில் நடிக்கிறேன். இவ்வாறு ஷாருக்கான் கூறினார்.
