உயரம் என்றால் காவலாளி; குட்டை என்றால் தொழிலாளி

உயரம் என்றால் காவலாளி; குட்டை என்றால் தொழிலாளி என்ற கொள்கையைக் கொண்ட எதிர்க்கட்சித் தலைவர் சஜித் பிரேமதாசவிடம் நாட்டை ஒப்படைத்தால் நாட்டின் எதிர்காலம் மற்றும் குழந்தைகளின் எதிர்காலம் குறித்து எதுவும் பேச முடியாது என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க தெரிவித்துள்ளார்.

இந்த தருணத்தில் நாட்டின் எதிர்காலத்தை ஒப்படைக்கக்கூடிய ஒரே தலைவர் ஜனாதிபதி ரணில் விக்கிரமசிங்கவே என அமைச்சர் வலியுறுத்தியுள்ளார்.

ஜனாதிபதி ரணில் விக்கிரமசிங்கவின் வெற்றிக்காக கம்பஹா மாவட்டம் திவுலப்பிட்டி தொகுதியின் தேர்தல் செயற்பாட்டுக் காரியாலயத்தை திறந்துவைக்கும் நிகழ்வில் நேற்று (25) கலந்துகொண்டபோதே அமைச்சர் இதனைத் தெரிவித்தார்.

அமைச்சர் மேலும் தெரிவித்ததாவது;

“நாட்டை நேசிக்கும் மக்கள் எப்பொழுதும் எம்மை பூர்வீக இலங்கையர்கள் என்றே குறிப்பிடுகிறார்கள். 2015இல் மகிந்த தோல்வியடைந்தபோது பௌத்த துறவி, வைத்தியர், ஆசிரியர், விவசாயி மற்றும் தொழிலாளர் ஆகிய ஐந்து பெரும் சக்திகளை ஒன்றுதிரட்டும் நம்பிக்கையுடன் மொட்டு உருவாக்கப்பட்டது.

மொட்டை ஆரம்பித்து மொட்டுடன் இணைந்து செயற்பட்டதன் பின்னர் நாட்டின் உள்ளூராட்சி சபைத் தேர்தல், ஜனாதிபதித் தேர்தல் மற்றும் பாராளுமன்றத் தேர்தல்களில் வெற்றி பெற்றோம். உள்ளூராட்சி தேர்தலில் 90% வெற்றி பெற்றோம். ஜனாதிபதித் தேர்தலில் 69 இலட்சம் மக்கள் தேசிய பாதுகாப்பு தொடர்பில் மிகுந்த நம்பிக்கையுடன் இருந்து கோத்தபாய வெற்றி பெற்றார். பாராளுமன்றத்தில் 2/3 அதிகாரம் எமக்கு இருந்தது. வேலை தொடங்கிய உடனேயே கோவிட் தொற்றுநோயால் பொருளாதார நெருக்கடி ஏற்பட்டது. அரசாங்கம் என்ற வகையில் எங்களால் பொருளாதாரத்தை மீட்டெடுக்க முடியவில்லை.

நாங்கள் அன்று அமைச்சரவையில் இருந்தோம். முன்னாள் ஜனாதிபதி கோட்டாபய ராஜபக்ஷ அங்கு இருந்தார். அப்போதைய பிரதமர் மஹிந்த ராஜபக்ஷ அங்கு இருந்தார். அங்கு அப்போதைய நிதியமைச்சர் பசில் ராஜபக்ஷ இருந்தார். நாமல் ராஜபக்ஷ 05 அமைச்சுக்களுடன் அமைச்சு வைத்திருந்தார். அமைச்சர் சமலும் உடனிருந்தார். நமது அமைச்சரவையில் 1/5 பங்கு ராஜபக்ஷவினர். அந்த அமைச்சரவையில் நானும் இருந்தேன். அன்று ஐம்பெரும் படைகளைத் திரட்டச் சென்ற நம்மால் அது முடியவில்லை. மற்றவர்கள் தான் அறிவுரை கூறினார்கள்.

ஆசிரியர்களின் சம்பள பிரச்சினையைக் கையாள்வதற்காக ஒரு குழு அமைக்கப்பட்டது, இவ்வாறு நடைமுறைப்படுத்துமாறு குழுவுக்கு பரிந்துரைகளை வழங்கினோம். அப்போது நாங்கள் சொன்னதை எங்கள் அரசு கேட்கவில்லை. இதன் விளைவாக, ஐந்து பெரும் சக்திகள் எங்களை விட்டும் பிரிந்தது. உரப் பிரச்சினை வந்தபோது கரிம உரப் பிரச்சினையை அப்படித் தீர்க்க முடியாது என்று எல்லோரும் சொன்னோம்.

உலகப் பொருளாதார நெருக்கடி ஏற்படும் போது நாம் அவ்வாறே செயற்பட வேண்டும். கேட்கவே இல்லை. அங்கே இன்னொரு சக்தியை இழந்தோம். அன்று ஜனாதிபதி ருவன்வெலி சாயவில் சத்தியப் பிரமாணம் செய்துகொண்டதுடன் நாங்களும் தலதா மாளிகையில் சத்தியப் பிரமாணம் செய்தோம். ஆனால், எங்களுடைய மகா சங்கத்தினரின் பேச்சைக் கேட்க முடியவில்லை. அவற்றையும் இழந்தோம்.

அரசாங்கம் கவிழ்ந்தது. அரசியல் ஸ்திரமின்மை ஏற்பட்டது. அதற்கு வேறு காரணங்களும் இருந்தன. இலங்கைக்கு பணம் அனுப்ப வேண்டாம் என்று ஜே.வி.பி கூறியதை நினைவில் கொள்ளுங்கள். திருடன் என்று கூறி எல்லோருக்கும் ஏசினார்கள். மக்களிடையே பொய்கள் பரப்பப்பட்டன. நாட்டை வீதிக்கு இழுத்து அரசியல் ஸ்திரமின்மையை உருவாக்க உழைத்தார்கள். நாங்கள் அரசாங்கத்தை விட்டு வெளியேறினோம். ஆனால், நாங்கள் அழைக்கப்பட்டோம். எதிர்க்கட்சித் தலைவரை நாட்டை பொறுப்பேற்கச் சொன்னோம். நிபந்தனையின்றி உதவுவோம் என்றோம்.

அரசாங்கங்களை கவிழ்க்க முடியும். அரசை கவிழ்க்க முடியாது என்பதாலேயே அவ்வாறு செய்தார்கள். எல்லோரும் பொறுப்பேற்க முடியாது என்று சொன்னபோது ரணில் விக்கிரமசிங்க மட்டும் ஏற்றுக்கொண்டார்.

அன்றைய தினம் எதிர்க்கட்சிகள் கலந்துரையாடி நாடு இக்கட்டான சூழ்நிலையில் இருப்பதாகவும் இதனை ஏற்றுக்கொள்ள முடியாது எனவும் தெரிவித்தனர். நாங்கள் கூறவில்லை ஹர்ஷ டி சில்வா டுவிட்டரில் ஒரு செய்தியை வெளியிட்டிருந்தார். ரணில் விக்கிரமசிங்க அவ்வாறானதொரு நாட்டை பொறுப்பேற்றார். கொரோனா மட்டுமல்ல. இந்த நாட்டில் ஹெல்மெட் கும்பல் வீடுகளை எரித்து மனிதர்களைக் கொன்று அவர்களை இப்படி ஒரு நிலைக்கு தள்ளியது. இந்த நாட்டை ரணில் பொறுப்பேற்றதால் தான் அவர்களுக்கு தேர்தல் கேட்க முடிந்தது. இல்லை என்றால் கோத்தபாயவும், மகிந்தவும் பிடிபட்டால் என்ன செய்திருப்பார்கள்? அமரகீர்த்திக்கு நடந்ததுதான் நடந்திருக்கும். அதனால்தான் நாட்டைக் கட்டியெழுப்பிய தலைவருக்கு ஆதரவளிக்குமாறு அரசாங்கத்தில் உள்ள பெரும்பான்மையான எம்மவர்கள் கூறினார்கள்.

பொருளாதார நெருக்கடியின் போது உலகம் நம்மை வங்குரோத்து நாடு என்று அழைத்தபோது, அந்த வங்குரோத்து நிலையிலிருந்து நம்மைக் காப்பாற்ற உழைத்தவர் யார் என்பதை மறந்துவிடாதீர்கள். நாங்கள் எரிபொருள் மற்றும் எரிவாயு வரிசையில் நின்றோம்.

சிறு குழந்தைகளுக்கு பால் பொட்டலம் வாங்க முடியவில்லை. கேஸ் சிலிண்டரைக் கண்டுபிடிக்க முடியாத நாட்டில் நாட்டின் பொருளாதாரத்தை மீண்டும் கட்டியெழுப்புவதற்கு ரணில் விக்கிரமசிங்க பாடுபட்டார். போரில் வெற்றி பெற்ற தலைவர் மகிந்தவை நாம் மதிக்கிறோம், இந்த நாட்டின் ஒட்டுமொத்த மக்களையும் காப்பாற்றிய தலைவர் ரணில் விக்கிரமசிங்க என்பதை மறந்துவிடக் கூடாது.

அதனால்தான் பாராளுமன்றத்தில் 156 எம்.பி.க்கள் இருந்தும் குழு உடைந்து சிறிய குழுவாக நாங்கள் போட்டியிட்ட குழுவில் மட்டும் 104 பேர் உள்ளனர். அந்த 104 பேருக்கும் நல்ல வாக்காளர்கள் இருக்கிறார்கள். 90% உள்ளூராட்சி மன்ற உறுப்பினர்கள் எங்களுடன் உள்ளனர். நமது வாக்குத் தளத்தைப் பாதுகாத்து 50,000 வாக்குகளுக்கு 104 எம்.பி.க்களைப் பெற்றால் 50 லட்சம் வாக்குகளைப் பெறுவோம். அந்த நிலையை எட்டாமல் கூட இருக்கலாம். ஆனால் ரணில் விக்கிரமசிங்க இந்த நாட்டின் மொத்த வாக்குகளில் 40% முதல் 45% வாக்குகளைப் பெறுவார். தகுதி தெரிந்தவர்கள், நாட்டை நேசிப்பவர்கள், கிராமங்களில் ரணில் விக்கிரமசிங்கவுக்கு வாக்களிப்பார்கள். அதற்கு முன் நாட்டை பிரித்தாவது திசைகாட்டிக்கு போடுமாறு கூறுகிறார்கள். எது எப்படியிருந்தாலும் இன்று ரணில் இந்த நாட்டை கட்டியெழுப்பிவிட்டார் என்று சொல்ல ஆரம்பித்துவிட்டார்கள்.

இன்று, இது பரிசோதனைக்கான நேரம் அல்ல என்று மக்கள் எடுத்துக்கொண்டனர். இந்த இரண்டு வருடங்களில் கொண்டு வந்த வேலைத்திட்டத்தை நடைமுறைப்படுத்தியவர் ரணில். அதை வேறு ஒருவரிடம் ஒப்படைத்தால் 2019 இல் கோத்தபாயவை கொண்டு வந்ததை விட சிரமம். நான் ரணில் விக்கிரமசிங்கவுக்கு எதிராக இருந்தவர்களில் ஒருவர். கட்சியை விட நாட்டை நேசிப்பவர்கள் நாங்கள். அதனால்தான் நாட்டிற்கு ஒரு தலைமைத்துவத்திற்காக நாங்கள் வாதிட முடிவு செய்தோம்.

அவர் சந்தித்த சவால்களைப் பாருங்கள். ரணில் ராஜபக்ச என்றே ஆரம்பத்தில் கூறினர். இன்று ராஜபக்சக்களின் மேடையில் யார் மீது குற்றம் சாட்டப்படுகிறது என்று பாருங்கள். நம்மை மொட்டுக்குள் திட்டுகிறார்கள். ரணிலை குற்றம் சொல்ல வேண்டும். அனுரகுமார மற்றும் சஜித் பிரேமதாச மீது குற்றம் சுமத்துகிறார்களா என்று பாருங்கள். ஐ.ம.சக்தியின் மேடையில் யாருக்கு ஏசுகிறார்கள் என்று பாருங்கள். எங்களுக்குத்தான். ரணில் விக்கிரமசிங்க மீது குற்றம் சாட்டுகிறார்கள். ஆனால் ராஜபக்சக்களை குறை சொல்ல வார்த்தை உண்டா? இன்னும் ஒரு வாரத்தில் ஆளும் கட்சி, எதிர்க்கட்சி என இரண்டாக பிரியும்.

அரசாங்கத்தை ஆதரிக்கும் ரணில் விக்கிரமசிங்க தனித்து நிற்கிறார். மற்ற அனைத்து குழுக்களும் இணைகின்றன. இருந்த போதிலும் ரணில் விக்கிரமசிங்கவிற்கு 40% வாக்குகள் உள்ளன. அவர்கள் பிரிந்தால், வேறு யாரும் 40% பெற முடியாது. SJB எம்.பி.க்கள் ரணிலிடம் வந்ததும் மதுபான வரி அனுமதி பத்திரம் வாங்குகிறார்கள், அதை இதை வாங்கி விட்டு வருகிறார்கள் என்று கூச்சலிட்டனர். யார் என்ன சொன்னாலும் நாங்கள் சலுகைகளுக்காக அரசியல் செய்யவில்லை. ரணில் விக்கிரமசிங்க அவர்களுடன் நாட்டின் மீது அக்கறை கொண்ட குழுவும் இணைந்துள்ளது.

71 அரகலயவைக் கொண்டு வந்து திருமதி சிறிமாவை ஆட்சிக்கு கொண்டு வந்தது யார்? 83 கறுப்பு ஜூலையில் தமிழ் மக்களை கொன்று நெருக்கடியை ஏற்படுத்தியது யார்? 88/89 பயங்கரவாதத்தின் போது, காவல்துறை அதிகாரிகளைக் கொன்றது மற்றும் அரசாங்க சொத்துக்களுக்கு தீ வைத்தது யார்? அது வேறு யாருமல்ல, மக்கள் ஐக்கிய முன்னணி தான். அந்தக் குழுதான் 2022இல் அரகலவையும் கொண்டு வந்தது. அவர்கள் அதிகாரத்தைப் பெற வன்முறையைப் பயன்படுத்திய குழு. இந்த நாட்டை மீண்டும் இவர்களிடம் ஒப்படைத்தால் காட்டுச் சட்டம் கொண்டு வருவார்கள். அவர்களுக்கு மதமோ இனமோ கிடையாது. அவர்களின் மதம், இனம் அவர்களின் கட்சி.

சஜித் பிரேமதாச அவர்களால் ஏதாவது செய்ய முடியுமா? பல ஆண்டுகளாக எதுவும் செய்யவில்லை. உயரம் என்றால் காவலன், குட்டையானவன் என்றால் தொழிலாளி என்ற கொள்கைகளை நடைமுறைப்படுத்தும் எதிர்க்கட்சித் தலைவர், நாட்டின் எதிர்காலத்தை ஒப்படைத்தால், நாட்டின் எதிர்காலம், குழந்தைகளின் எதிர்காலம் பற்றி எதுவும் பேச முடியாது. இந்த தருணத்தில் நாட்டின் எதிர்காலத்தை ஒப்படைக்கக்கூடிய ஒரே தலைவர் ரணில் விக்கிரமசிங்க மட்டுமே” என்றார்.